滿HK$400免香港本地運費

聖誕咖啡？噱頭咖啡？

由 iSGO Shopify

每年聖誕好多咖啡店都會推出聖誕拼配咖啡。究竟係乜東東？有咩特色風味？定只係一個市場推廣噱頭。
作為一個咖啡品鑒師，我都會好有興趣去研究每個拼配嘅風味特色。為咗一個節日而推出嘅特別拼配，就係要為配襯經典嘅過節食物。聖誕節有火雞、聖誕火腿、充滿香料嘅肉碎批、朱古力布甸等。食物比較濃味，而且用上大量香料，配合擁有香料及果仁風味嘅咖啡就最適合不過。
烘焙度方面，建議選用中深烘焙，讓咖啡餘韻悠長地留喺口腔。
最近遇上巴西嘅Biodynamic 咖啡，無獨有偶，呢隻咖啡擁有強烈嘅堅果風味，核桃味突出，回甘味悠長。咖啡質感厚實而又幼滑。非常配襯聖誕甜品例如薑餅人曲奇、朱古力流心蛋糕等。
美國精品咖啡協會咖啡品鑒師
Elvia Ma
返回 資訊